Dapit hapon sa tag-init
By Melchie Guihama
Sa bandang kanluran ay mababanaag
Gintong liwayway mo’y syang namamayagpag.
Kaygandang pagmasdan sa mata’y naglayag
Sa tubig makita dakila mong sinag…
Ginawa ng Diyos sati’y inihandog
Sa bandang kanluran katabi ng timog.
Sa iyong paglubog iniwang alindog
Sa puso’y pag-asa ang sya mong sinabog…
Ang tangi kong hiling, sya ay makatagpo
Sayong paglubog may makasamang tao.
Hatid mo ay galak, dito sa’king puso
Syang minsa’y nawasak, at iyong binuo..
Ako’y maghihintay sa tamang panahon
Hahayaan muna’ng puso’y maglimayon.
Kong saan man dalhin aking destinasyon
Ikaw ay gagawin ko na inspirasyon..
Aking mga mata’y puno ng pag asa
Damdaming may lungkot ‘di mo makikita
Ang araw sa hapon ay syang halimbawa
Sa kanyang pagtago’y may bagong umaga.
Sa kanyang paglubog, akin syang pagmasdan
Sa kanyang paghimlay, sa bandang kanluran
Papalit ang dilim,sa kapaligiranB
Bukas ng umaga, naman aabangan.
Buhay na pangarap
By Edina Bueza
Pagreretiro ba’y kailangan?
ito’y bigyang pansin, kaibigan
Buhay sa hinaharap pa’no ba?
Ito ba’y napaglaanan mo na.
Buhay na nais sa’king pagtanda
Unti-unti kong pinaglaanan
Bahay, ipon at munting negosyo
Bagay na pinagsisikapan ko.
Pangarap na barya ang pundasyon
Sabay ng panalangin sa Poon
Determinasyon at adhikain
Tuunan upang ito’y abutin
Bawat sentimo na inilaan
Tiyaking maganda ang kalagyan
Pahalagaha’t pakaingatan
Pagyamanin ng sipag at dasal.
Munting negosyo’y nais simulan
Sa harap ng dampa’y ilalagay
Samo’t-saring kailangan ng tao
Pangunahing makikita rito.
Kunting ipon sa baul isubi
Sa hagibis ito’y ilalabi
Dukutin kung kinakailangan
Sa panahong walang mapagkunan
Kaya’t payo ko ‘king kaibigan
Pagreretiro ay paghandaan
Pagsikapan kahit dahan-dahan
Upang sa huli’y hindi luhaan.
Sa grasya’y huwag ubos-biyaya
Hindi habang panahon ‘kaw’y bata
Paglaanan ang ating pagtanda
Nang sa huli’y ‘di tayo kawawa.
Emotions Tailspin: Mental Health Matters
By Alona Percalin Tercepona
Too many questions left unasked
Too many emotions I suppressed and masked
Too many decisions I wish I had done right
Too many frustrations that keep me awake at night.
With all the chaos that’s happening inside me
The emotional tailspin I struggle with every day
I simply go back to the reason why I am here
Why I am fighting and surviving my silent battles.
The two tiny, delicate souls that believe in me
The people who are fervently praying that I’ll find my way
And all the dreams that I still have to pursue
They all give me the reason to push through.
We all go through something every day
And we all have our own demons to slay
Some put it into words, some suffer in silence
Some choose an easy but painful way out.
Our minds can be our very own prison
To our souls, it can be poison.
It can be our worst enemy
But we can always choose to break free.
If today you feel like you are in darkness
When you succumb to sadness
When everything doesn’t seem right
Darling, I feel you, you are not alone.
Pause, rest, and reflect if you need to
A shoulder to cry on would be nice too
Seek help when things get so heavy to carry
You are not alone and you have nothing to worry.
There’s beauty in being alive
Hang in there, wait for the breakthrough
It is never easy, I know
But with faith and prayers, you’ll make it through.
Please remember that our emotions are valid
That it’s okay to cry and feel the pain
But despite the bruised spirit, smudged make-up, and bloodshot eyes,
Always choose to pick yourself up and keep going.
Pamilya ni
By Joan Zamora Padohinog
Mga taong kasangga natin habang panahon
Saan man tayo ilipad ng pagkakataon
Pamilyang handang tumulong at tumugon
Sa oras ng kagipitan at masamang sitwasyon
May iba’t-ibang klase’t uri ng pamilya
Pamilyang sa dugo ay magkapareha
Mayron mang hindi sa dugo magkapamilya
Ngunit ang puso’t isip nama’y nagkakaisa
Tunay na pamilya ay kahanga-hanga
Sa hirap at problema’y tulong-tulong sila
Laging andiyan,tuwina’y nakasuporta
Kay sarap mabuhay ang kasama sila.
Leave a Reply